Miir Basler zeerscht hösch!
Au e Bebbi kaas globaale Gschrey nit ignoriere, und fanggt sich aa ärnschdhaft z echauffiere!
Vo Linggs, vo Rächts, vo Oscht bis Wescht, jede maint äär sigg dr Beschdd!
Drum koche miir unser aige Süppli, stolz und unvermässe,
denn au miir, hänn d Wyyshait mit em Leffel gfrässe.
Miir hän e Rezäpt für die drei Dääg, und laufe miir dir übere Wääg,
söttis eifach syy zum uns erkenne, vorne duet e Füürstell für unser Süppli brenne.
E Uur-Basler marschiert voruuss, und zaigt dr Wält miir kemme druss,
s git nüt wo sich dät besser lohne, als gueti alti Basler Dradizioone.
E hampfle Basler dien denn blindlinggs hindedry marschiere, alles Fremde ignoriere,
und au wenn sis nit kapiere, unseri Dradizioone fir eewig konserviere.
Wenn wotsch schlauer syy als so ‘ne Kappe, muesch am Cortège ein vo uns’re Zeedel schnappe!
Als Amuse-Bouche mit tiefer Handlig, luegsch dr Film aah und verfolgsch e Bebbi bi siner’ Verwandlig!